Skip to main navigation Skip to main content

ہنگامی امدادی معاونت- وکٹوریہ

کووڈ-19 کی وبا کے دوران فوری ضرورتوں کو پورا کرنے کے لیے مالی معاونت

 13 جولائی 2020

ہم سمجھتے ہیں کہ کووڈ-19 سے بہت سارے لوگ متاثر ہوئے ہيں، اور یہ کہ آپ کو اپنی فوری ضرورتوں کو پورا کرنے کے لیے مالی راحت درکار ہوسکتی ہے۔

بعض اہم معلومات یہ ہیں جنہيں آپ کو ہم سے رابطہ کرنے سے پہلے پڑھنا ہے۔

ایمرجنسی ریلیف کیا ہے؟
یہ سروس کس کے >لیے ہے؟
میں کیسے درخواست کروں؟
مجھے ابھی مدد کی ضرورت ہے
وکٹوریہ میں لوگوں کے لیے اضافی مدد

ایمرجنسی ریلیف کیا ہے؟

ایمرجنسی ریلیف لوگوں کو غذا، دوا اور پناہ گاہ جیسی اپنی ضرورتوں کو پورا کرنے میں مدد کرنے کے لیے ہے۔

آسٹریلیائی ریڈ کراس کو خاص طورپر ایسے لوگوں کی مدد کرنے کے لیے وکٹوریہ حکومت کی طرف سے فنڈ موصول ہوا ہے جن کو کامن ویلتھ انکم سپورٹ (بشمول جاب سیکر اور جاب کیپر) یا وکٹوریہ حکومت کے انٹرنیشنل اسٹوڈنٹ ایمرجنسی فنڈ کی رسائی حاصل نہیں ہے۔

اس امداد کا ہدف عارضی اور پرویژنل ویزہ والے سب سے کمزور لوگ اور غیر رجسٹرڈ مہاجرین ہیں۔ انفرادی ضرورت پر کی بنیاد پر آئندہ چھ مہینے تک فی کس یا فی کنبہ ایمرجنسی ریلیف کی تین قسط تک ادائیگی کی جائے گی۔

اگر آپ کو اضافی مدد کی ضرورت ہے، تو الگ سے ایمرجنسی ریلیف کی ایک ادائيگی دستیاب کرائی جاسکتی ہے۔ دونوں ادائیگیاں پانے کے لیے آپ کو علاحدہ درخواست دینے کی ضرورت ہے۔

ایمرجنسی ریلیف کی ادائیگی انکم سپورٹ نہیں ہے. یہ ادائیگی محدود ہے اور ہمیں معلوم ہے کہ اس سے آپ کی تمام ضرورتیں پوری نہیں ہوسکتی ہيں۔

یہ سروس کس کے لیے ہے؟

کووڈ-19 سے متاثرہ لوگوں کی بڑی تعداد کے پیش نظر، وکٹوریہ میں سکونت پذیر لوگوں میں سے صرف ان افراد کو امداد دی جاسکتی ہے جنہيں فوری ضرورت درپیش ہے اور جو:

  • آسٹریلیائی شہری یا مستقل باشندے نہيں ہیں؛ اور
  • کامن ویلتھ گورنمنٹ انکم سپورٹ کے لیے اہل نہیں ہيں؛ اور
  • ریاستی یا علاقائی فنڈ برائے عارضی ویزہ ہولڈر (سوائے اس کے جو Red Cross کے ذریعہ فراہم کرایا جاتا ہے) کے لیے اہل نہيں ہيں؛ اور
  • جن کی کوئي آمدنی نہیں ہے یا جن کی بہت کم آمدنی ہے، جن کی کوئي بچت نہیں ہے یا بہت کم بچت ہے اور جن کو اپنے پارٹنر، خاندان یا برادری سے کوئی دوسری اعانت حاصل نہیں ہے۔

وکٹوریہ حکومت کے انٹرنیشنل اسٹوڈنٹ ایمرجنسی ریلیف فنڈ کے لیے اہل بیرونی طلبہ وطالبات کو, چاہئے کہ وہ پہلے اس پروگرام میں درخواست دیں۔ہمارے معلوماتی پرچہ کووڈ-19 وسائل برائے بیرونی طلبہ و طالبات ملاحظہ کریں

اگر آپ وکٹوریہ میں نہيں رہتے ہيں، تو آپ کسی دوسرے ایمرجنسی ریلیف کے لیے درخواست دے سکتے ہيں۔

میں کیسے درخواست دوں؟

اپنی درخواست شروع کرنے سے پہلےآپ کو درج ذیل کی ضرورت پڑے گی:

اپنے ویزہ کی موجودہ یا تازہ ترین کی اسٹیٹس کا ثبوت جیسے آپ کا پاسپورٹ نمبر یا ایمی کارڈ نمبر۔ اگر آپ غیر متیقن ہیں، تو براہ کرم، آپ درخواست دیں اور بات چیت کے لیے ہم آپ کو کال کریں گے۔

مالی مشکلات کا ثبوت:

  • کنبہ کے تمام بالغ افراد کو درخواست دینے کی تاریخ سے تین ماہ قبل کی موجودہ بینک اسٹیٹمنٹ کی کاپی جمع کرانی ہوگی۔
  • اگر آپ کے دوسرے بینک اکاؤنٹ میں ریگولر ٹرانسفر ہوتا ہے تو آپ کو اس اکاؤنٹ کے بینک اسٹیٹمنٹ کی کاپی فراہم کرنی ہوگی۔
  • اسکرین شاٹ قابل قبول ہوگی اگراس میں آپ کے نام، اکاؤنٹ نمبر اور پتہ ظاہر ہو

اگر آپ یہ معلومات فراہم نہيں کرتے ہيں، تو آپ کی درخواست نمٹانے میں تاخیر ہوسکتی ہے۔

اگر آپ کو مزید مدد درکار ہو، تو اپنے درخواست فارم پر آپ ریڈ کراس کی طرف سے کال موصول کرنے کا اختیار منتخب کرسکتے ہيں۔ درخواست دینے کی تاریخ سے دو ہفتے کے اندر ریڈ کراس سے آپ کو کال موصول ہوگی۔

کووڈ-19 کے دوران ہر کسی کی سلامتی کو بچانے کے لیے، براہ کرم ہمارے ریڈ کراس کے دفاتر میں نہ آئیں۔ اگر آپ کو درخواست دینے میں کوئی پریشانی ہو، تو ہمیں ای-میلکریں۔ براہ کرم، ای-میل کے ذریعہ کوئی دستاویز نہ بھیجيں۔

مجھے ابھی مدد کی ضرورت ہے

اگر آپ کی صحت یا سلامتی ابھی خطرے کی زد میں ہے، تو براہ کرم، 000 پر کال کریں۔

اگر آپ بیرونی طالب یا طالبہ ہيں، براہ کرم، پہلے اپنے ادارے یا اپنی ریاستی یا علاقائی حکومت سے رابطہ کریں، یہ دیکھنے کے لیے کہ وہ کیا مدد فراہم کرسکتے ہيں۔ ہمارا معلوماتی پرچہ ملاحظہ کریں کووڈ 19 وسائلبرائےبیرونیطلبہوطالبات۔ اگر آپ دوسری قسم کی امداد کے لیے اہل ہیں، تو آپ کو اس پروگرام کے تحت مدد پانے کے لیے ترجیح نہيں دی جائے گی۔

 اگر آپ سیاح ہیں، ورکنگ ہالیڈے ویزے پر آئے ہيں یا ایسے شخص ہیں جو اپنے ملک واپس لوٹنا چاہتے ہيں، تو براہ کرم، اپنے سفارتخانے یا قنصل خانے سے رابطہ کریں یہ سمجھنے کے لیے کہ وہ پہلی نظر میں کیا کچھ مدد فراہم کرسکتے ہيں۔

اگر آپ اپنے گھر سے اپنی بچت، یا مدد حاصل کرسکتے ہيں، تو براہ کرم، ایسا ہی کریں۔

اگر آپ کو اپنے ویزہ، اس کی مدت کی توسیع، سفر اور دیکر امور کے بارے میں معلومات کی ضرورت ہے، تو , ہوم افیئرس کووڈ-19 اینڈبارڈر اور اسٹیئنگانآسٹریلیا کے ویب صفحے پر عارضی ویزہ یافتگان کے لیے تفصیلی معلومات دستیاب ہیں۔

دیگر خدمات کی تلاش کرنے کے لیے، سرچ کریں AskIzzy یا محکمہبرائےسماجیخدمات۔

وکٹوریہ میں مقیم لوگوں کے لئے اضافی مدد

وکٹوریہ حکومت کا کووڈ19 رینٹل ہارڈشپ پروگرام

کووڈ-19 کی وبا کی وجہ سے کرایہ کی دشواری کا سامنا کرنے والے وکٹوریہ کے باشندوں کے لیے 2000 ڈالر تک رینٹ ریلیف کی ادائیگی دستیاب ہے۔ اہلیتی لوازمات کے بارے میں مزید پتہ لگائيں اور اپلائی کریں۔

خاندانی تشدد کا تعاون

دماغی صحت کی مدد

Lifeline آسٹریلیا میں ذاتی بحران کا سامنا کرنے والے لوگوں کو آن لائن، بذریعہ فون اور رو برو کرائسس سپورٹ اور انسداد خودکشی کی خدمات فراہم کراتا ہے۔ 7/24 رازدارانہ مدد حاصل کرنے کے لیے 14 11 13 پر کال کریں۔

انگریزی زبان سے نابلد لوگوں کے لئے مفت ترجمانی کی خدمت دستیاب ہے۔ یہ خدمت حاصل کرنے کے لیے 450 131 پر کال کریں اور 14 11 13 پر Lifelineسے مطلوبہ زبان میں بات کرنے کے لیے کہیں۔

پناہ گزین اور پناہ کے طلبگار لوگ بھی اسپیشلسٹ میڈیکل اینڈ مینٹل ہیلتھ سپورٹ کی رسائی حاصل کرسکتے ہیں۔

کووڈ 19 ہاٹ لائن اور مفت جانچ

اگر آپ کو یہ شبہ ہو کہ آپ کو کووڈ-19 (کورونا وائرس) کا اثر ہوا ہے، تو 398 675 1800 پر وقف شدہ ہاٹ لائن پر کال کریں۔ ہاٹ لائن 24 ‏گھنٹے، 7 دن کھلی ہے۔

اپنے میڈیکیئر یا ویزا اسٹیٹس سے قطع نظر آپ کووڈ-19 (کورونا وائرس) کا فری ٹیسٹ کراسکتے ہيں۔ اپنے علاقے میں ٹیسٹ کے مقام کا پتہ لگائيں۔

کووڈ-19 کی وبا نے صحت اور تندرستی کو بہتر بنانے کے لیے سماج اور سماجی رابطوں کی اہمیت کو توجہ کا مرکز بنادیا ہے۔ یہی وجہ ہے کہ وکٹوریہ حکومت نے الگ تھلگ پڑے وکٹوریہ کے باشندوں کو آپسی رابطے میں رہنے کے لیے کووڈ-19 ہاٹ لائن 1800 کی توسیع کردی ہے۔ اگر آپ اکیلا پن محسوس کررہے ہيں، تو کووڈ-19 ہاٹ لائن کو 398 675 1800 پر کال کریں اور آسٹریلیائی ریڈ کراس کے رضاکار سے بات کرنے کے لیے '3' دبائیں جو آپ کو اپنی مقامی کمیونٹی کے لوگوں کے ساتھ رابطہ کراسکتے ہیں۔ 160 مختلف زبانوں میں ترجمانی کی خدمت دستیاب ہے۔

دیگر وسائل جو مددگار ہوسکتے ہیں

ریاستی اور علاقائی وسائل