Skip to main navigation Skip to main content

அவசரகால நிவாரண உதவி - விக்டோரியா

COVID-19 பெருந்தொற்றின் போது அவசரத் தேவைகளைப் பூர்த்தி செய்வதற்கான நிதி நிவாரணம்.

13 ஜூலை 2020

COVID-19- பெருந்தொற்றால் பலர் பாதிக்கப்பட்டுள்ளனர் என்பதை நாங்கள் புரிந்துக் கொண்டுள்ளோம். மேலும், உங்களுடைய மிகவும் அவசரமானத் தேவைகளைப் பூர்த்தி செய்ய உங்களுக்கு நிதி நிவாரணம் தேவைப்படலாம்.

நீங்கள் எங்களைத் தொடர்புகொள்வதற்கு முன்பு படித்து அறிந்துக் கொள்ள வேண்டிய சில முக்கியமான தகவல்கள் இங்கே தரப்பட்டுள்ளன.

அவசரகால நிவாரணம் என்றால் என்ன?
இந்தச் சேவை யாருக்கானது?
நான் எவ்வாறு விண்ணப்பிப்பது?
எனக்கு இப்போது உதவி தேவை
விக்டோரியாவில் உள்ளவர்களுக்கு கூடுதல் உதவி

அவசரகால நிவாரணம் என்றால் என்ன?

உணவு, மருந்து அல்லது இருப்பிடம் போன்ற மக்களின் அடிப்படைத் தேவைகளைப் பூர்த்தி செய்ய அவர்களுக்கு உதவுவதே அவசரகால நிவாரணம் என்பதாகும்.

குறிப்பாக காமன்வெல்த் வருமான உதவி (வேலை தேடுபவர் மற்றும் வேலைக்கு ஆள்வைத்திருப்பவர் உட்பட) அல்லது விக்டோரியன் அரசின் சர்வதேச மாணவர் அவசரகால நிதி உதவிக்கான அணுகல் இல்லாதவர்களுக்கு ஆதரவளிக்க ஆஸ்திரேலிய Red Cross விக்டோரியன் அரசின் நிதியுதவியைப் பெற்றுள்ளது.

இந்த ஆதரவானது மிகவும் பாதிக்கப்படக்கூடிய நிலையில் இருக்கும் தற்காலிக விசா வைத்திருப்பவர்கள் மற்றும் ஆவணமற்ற புலம்பெயர்ந்தோரை இலக்காகக் கொண்டுள்ளது. தனிப்பட்ட தேவையைப் பொறுத்து, ஒரு நபர் அல்லது குடும்பத்திற்கு அதிகபட்சமாக மூன்று சிறிய அவசரகால நிவாரணத் தொகைகள் அடுத்த ஆறுமாத காலத்தில் வழங்கப்படலாம்.

உங்களுக்குக் கூடுதல் உதவி தேவைப்படுமானால், ஒரு தனிப்பட்ட அவசரகால நிவாரணத் தொகை கிடைக்கலாம். இரண்டு நிதி உதவிகளையும் அணுகவேண்டுமானால் நீங்கள் தனித்தனி விண்ணப்பத்தைச் சமர்ப்பிக்க வேண்டும்.

அவசரகால நிவாரணத் தொகை என்பது உங்களுடைய வருமானத்திற்கான உதவி இல்லை. அவை வரம்பிடப்பட்டது மற்றும் உங்களுடைய அனைத்து தேவைகளையும் பூர்த்தி செய்யாது என்பதை நாங்கள் அறிவோம்.

இந்தச் சேவை யாருக்கானது?

ஏராளமான மக்கள் COVID-19 பெருந்தொற்றால் பாதிக்கப்பட்டுள்ளதைக் கருத்தில் கொண்டு, அவசரத் தேவைகளுடன் விக்டோரியாவில் வசிக்கும் கீழ்காணும் மக்களுக்கு மட்டுமே ஆதரவு வழங்க முடியும்:

  • ஆஸ்திரேலிய குடிமக்களல்லாதவர்கள் அல்லது நிரந்தரக் குடியுரிமை இல்லாதவர்கள்; மற்றும்
  • காமன்வெல்த் அரசின் வருமான உதவிக்குத் தகுதி பெறாதவர்கள்; மற்றும்
  • தற்காலிக விசா வைத்திருப்பவர்களுக்கு (Red Cross மூலம் வழங்கப்பட்டவர்கள் தவிர) என வழங்கப்படும் மாநில அல்லது பிராந்திய நிதி உதவிகளுக்குத் தகுதி பெறாதவர்கள்; மற்றும்
  • வருமானம் இல்லாத அல்லது மிகக் குறைந்த வருமானம் கொண்டவர்கள், சேமிப்பு இல்லாத அல்லது குறைவான சேமிப்பு கொண்டவர்கள் மற்றும் துணைவர், குடும்ப உறுப்பினர்கள் அல்லது சமூகத்தின் பிற ஆதரவை அணுக முடியாத நிலையில் உள்ளவர்கள்.

விக்டோரியன் அரசின் சர்வதேச மாணவர் அவசரகால நிவாரண நிதிக்குத் தகுதியான சர்வதேச மாணவர்கள், முதல் படியாக, அந்த திட்டத்திற்கு விண்ணப்பிக்க வேண்டும். மேலும் அறிய, எங்களுடைய சர்வதேச மாணவர்களுக்கான COVID19 ஆதாரக்குறிப்புகள் என்னும் தகவல் பக்கத்தைப் பார்க்கவும்.

நீங்கள் விக்டோரியாவில் வசிப்பவர் இல்லை எனில், வேறு அவசரகால நிவாரண உதவிக்கு விண்ணப்பிக்கலாம்.

நான் எவ்வாறு விண்ணப்பிப்பது?

விண்ணப்பிக்கும் முன் உங்களுக்குத் தேவைப்படுபவை:

உங்களுடைய பாஸ்போர்ட் எண் அல்லது இம்மி கார்டு எண் போன்ற உங்களுடைய தற்போதைய அல்லது மிக சமீபத்திய விசா நிலையைக் கண்டறியும் சான்றுகள். உங்களுக்கு உறுதியாகத் தெரியாவிட்டால் ஒரு விண்ணப்பத்தைச் சமர்ப்பியுங்கள். அது குறித்து பேச நாங்கள் உங்களைத் தொடர்புக் கொள்கிறோம்.

நிதிப் பற்றாக்குறைக்கான சான்றுகள்:

  1. குடும்பத்தின் அனைத்து வயதுவந்த உறுப்பினர்களும் விண்ணப்பித்த தேதியிலிருந்து மூன்று மாதங்களுக்கு முந்தைய நடப்பு வங்கிக் கணக்கின் அறிக்கையைச் சமர்ப்பிக்க வேண்டும்.
  2. நீங்கள் மற்றொரு வங்கிக் கணக்கிற்கு தொடர்ச்சியாக பணப் பரிவர்த்தனை செய்திருந்தால், அந்தக் கணக்கிற்கான வங்கி அறிக்கையை வழங்க வேண்டும்
  3. உங்கள் பெயர், கணக்கு எண் மற்றும் முகவரியைக் காட்டுவதாக இருந்தால் மட்டுமே ஸ்கிரீன் ஷாட்கள் ஏற்றுக்கொள்ளப்படும்

நீங்கள் இந்த தகவலை வழங்கவில்லை என்றால், உங்கள் விண்ணப்பம் தாமதமாகலாம்.

உங்களுக்கு மேலும் உதவிகள் தேவைப்படுமானால், விண்ணப்பத்தில், Red Cross - இல் இருந்து தொலைபேசி அழைப்பைப் பெறுதல் என்பதை நீங்கள் தேர்வு செய்யலாம். விண்ணப்பம் சமர்ப்பிக்கப்பட்ட தேதியில் இருந்து இரண்டு வாரங்களுக்குள் Red Cross உங்களைத் தொடர்புகொள்ளும்.

COVID-19 பெருந்தொற்றின் போது அனைவரின் பாதுகாப்பையும் உறுதி செய்யும்பொருட்டு, எங்களுடைய Red Cross அலுவலகங்களுக்கு வருகை தருவதைத் தவிர்க்கவும். விண்ணப்பிப்பதில் ஏதேனும் சிக்கல் இருந்தால், எங்களுக்கு VicER@redcross.org.au என்ற முகவரியில் மின்னஞ்சல் அனுப்பவும். மின்னஞ்சல் வழியாக எவ்வித ஆவணங்களையும் அனுப்ப வேண்டாம்.

எனக்கு இப்போது உதவி தேவை

உங்களுடைய உடல்நலம் அல்லது பாதுகாப்பு இப்போது அபாயத்தில் இருந்தால், எங்களை 000 என்ற எண்ணில் அழைக்கலாம்.

நீங்கள் ஒரு சர்வதேச மாணவராக இருந்தால், உங்களுடைய கல்வி நிறுவனம் அல்லது உங்களுடைய மாநில அல்லது பிராந்திய அரசைத் தொடர்பு கொண்டு முதலில் அவர்களால் என்ன உதவியை வழங்க முடியும் என்பதைப் பார்க்கவும். மேலும் விவரங்களுக்கு எங்களுடைய சர்வதேச மாணவர்களுக்கான COVID19 ஆதாரக்குறிப்புகள் என்ற தகவல் கையேட்டைக் காண்க. வேறொரு வகையான உதவிக்கு நீங்கள் தகுதியுடையவராக இருந்தால், இந்த திட்டத்தில் உதவி பெற முன்னுரிமை பெற மாட்டீர்கள்.

நீங்கள் ஒரு சுற்றுலாப்பயணியாக இருந்தால், வேலை விடுமுறை விசாவில் அல்லது உங்கள் சொந்த நாட்டிற்கு திரும்ப விரும்பும் ஒருவராக இருந்தால், உங்களுடைய தூதரகத்தைத் தொடர்பு கொண்டு அவர்களால் உங்களுக்கு முதலில் வழங்க முடிந்த உதவியைப் புரிந்து கொள்ளுங்கள்.

உங்கள் சேமிப்புகளை அணுக அல்லது வீட்டிலிருந்து உதவியைப் பெற முடிந்தால், அவ்வாறு செய்யுங்கள்.

உங்களுக்கு விசா, நீட்டிப்புகள், பயணம்மற்றும்பிறவற்றைப்பற்றியதகவல்கள் தேவைப்பட்டால், உள்துறை விவகாரங்கள் COVID-19 மற்றும் எல்லை மற்றும் ஆஸ்திரேலியாவில் தங்குதல் பற்றிய இணையத்தளங்களில் தற்காலிக விசா வைத்திருப்பவர்களுக்கு உதவும் விரிவான தகவல்கள் கிடைகின்றன.

பிற சேவைகளைத் தேட, AskIzzy அல்லது சமூக சேவைகள் துறையைக் காணுங்கள்.

விக்டோரியாவில் வசிப்பவர்களுக்குக் கூடுதல் ஆதரவு

விக்டோரியன் அரசின் COVID 19 வாடகை செலுத்துவதில் சிக்கல் திட்டம் 

விக்டோரியன் அரசின் COVID 19 வாடகை சிக்கல் திட்டத்தில், COVID-19 பெருந்தொற்று காரணமாக வாடகை செலுத்த இயலாமல் சிரமப்படும் விக்டோரியன்களுக்கு $2000 வரை வாடகை நிவாரணம் கிடைக்கிறது. தகுதி வரம்புகள் பற்றி மேலும் அறிந்துகொண்டு விண்ணப்பிக்கவும்.

குடும்ப வன்முறைகளுக்கான உதவி

  • In Touch – குடும்ப வன்முறைக்கு எதிரான பன்முகக் கலாச்சார மையம்
  • Safe Steps
  • Orange Door

மனநலன் சார்ந்த சேவை

ஆன்லைன், தொலைபேசி மற்றும் நேருக்கு நேர் நெருக்கடி நேர உதவி மற்றும் தற்கொலை தடுப்புச் சேவைகளுக்கான அணுகலுடன் தனிப்பட்ட முறையில் நெருக்கடியை அனுபவிக்கும் ஆஸ்திரேலியாவில் உள்ளவர்களுக்கு Lifeline சேவை வழங்குகிறது. வாரத்தின் 7 நாட்களும், 24 மணி நேரமும் தனிப்பட்ட முறையில் நம்பகமான சேவைப் பெற 13 11 14 என்ற எண்ணில் அழைக்கலாம். ஆங்கிலம் அல்லாத மொழி பேசுபவர்களுக்கு இலவச மொழிபெயர்ப்பு சேவை உண்டு. இந்த சேவையைப் பெற 131 450 என்ற எண்ணில் அழைக்கலாம். மேலும், Lifeline-இல் 13 11 14 என்ற எண்ணில் விரும்பும் மொழியில் அழைக்கலாம். அகதிகள் மற்றும் புகலிடம் கோரும் மக்கள் சிறப்பு மருத்துவ மற்றும் மனநல உதவிகளையும் அணுகலாம்.

COVID 19 ஹாட்லைன் மற்றும் இலவச பரிசோதனைகள்

நீங்கள் COVID-19 (கொரோனா வைரஸ்) தொற்றைப் பெற்றிருக்கலாம் என சந்தேகித்தால், 1800 675 398 என்ற பிரத்யேக ஹாட்லைன் எண்ணில் அழைக்கலாம். ஹாட்லைன் வாரத்தின் 7 நாட்களும், 24 மணி நேரமும் செயல்படும்.

உங்களுடைய தற்போதைய மருத்துவக் காப்பீடு அல்லது விசா நிலையைப் பொருட்படுத்தாமல் COVID-19 (கொரோனா வைரஸ்) பெருந்தொற்றுக்கான இலவச சோதனையைப் பெறலாம். உங்களுடைய பகுதியில் உள்ள பரிசோதனை நிலையங்களைக் கண்டறியுங்கள்.

தற்போதைய COVID-19 பெருந்தொற்று ஆரோக்கியம் மற்றும் நல்வாழ்வை மேம்படுத்த சமூகம் மற்றும் சமூக தொடர்புகளின் முக்கியத்துவத்தை நமது கவனத்திற்குக் கொண்டு வந்துள்ளது. எனவே, தனிமைப்படுத்தப்பட்ட விக்டோரியர்கள் தொடர்ந்து இணைந்திருக்க விக்டோரியன் அரசு 1800 COVID-19 ஹாட்லைனை விரிவுபடுத்தியுள்ளது. நீங்கள் தனிமையை உணர்கிறீர்கள் எனில், COVID-19 ஹாட்லைனுக்கு 1800 675 398 என்ற எண்ணில் அழைப்பு விடுத்து, உங்களுடைய உள்ளூர் சமூகத்தில் உள்ளவர்களுடன் உங்களை இணைக்கக்கூடிய ஆஸ்திரேலிய Red Cross தன்னார்வலரிடம் பேச ‘3’ என்ற எண்ணை அழுத்தவும். பல்வேறு மொழிகளுக்கு விளக்கமளிக்கும் சேவை 160 வெவ்வேறு மொழிகளில் கிடைக்கிறது.

உங்களுக்கு மேலும் உதவக்கூடிய கூடுதல் ஆதாரக் குறிப்புகள்

மாநில மற்றும் பிராந்திய ஆதாரக் குறிப்புகள்